خلال الأيام الماضية انتشرت صورة للاعب إنتر ميامي، الأرجنتيني ليونيل ميسي، حملت تعليقًا يتضمن نوعًا من السخرية، وتمت مشاركتها على نطاق واسع بين رواد السوشيال ميديا.

ميسي سائق أوبر

بدأ الموضوع عندما نشر أحد الحسابات، خلال الجروب الخدمي "كباتن أوبر وكريم في مصر"، منشورًا ساخرًا بقصد المزاح، بتعليق: "أكتر سواق أوبر محترم هتركب معاه، ربنا يرزقه، ادعموه يستاهل كل خير".

459957912_1050549659_2790_045305.jpg
المنشور المنتشر عن ميسي

انهالت التعليقات الساخرة على المنشور، وكان من أبرزها ما كتبه حساب يدعى "مدحت عامر": "هو فيه حد محترم بردوا يشتغل أوبر أو كريم، ويكون لابس شورت ووشم كمان على إيده كلها، بيتهيألي الاحترام راح وبعدين مين اللي هتقبل على نفسها تركب معاه، وتشوف المنظر ده على العموم ربنا يرزقه".

ظظو_2790_045352.jpg
تعليقات الجمهور

فيما علق حساب يدعى رشيد قائلًا: "الراجل ده تحفة يا جدعان، ركبت معاه مرة من شارع فيصل وقال إنه كان شغال ديليفري، ومهما كانت الدنيا زحمة، ما شاء الله عليه سواق حقيقي بيعرف يعدي من كماين الشرطة، وأكثر حاجة بيحبها هي إنه يعدي أيها كوبري".

ددد_2790_045442.jpg
تعليقات الجمهور

وقال حساب آخر يٌدعى " أحمد فضل": "هو ميسي اشتغل أوبر، الكورة مش جايبة همها".

ززوو_2790_045516.jpg
تعليقات الجمهور

كريستيانو من أكونت فيك

فيما وجه البعض الآخر أصابع الاتهام للاعب البرتغالي كريستيانو رونالدو، وأنه السبب الرئيسي وراء انتشار المنشور المذكور عن ميسي، لغرض الإيقاع به، فنشرت إحدى الصفحات الشهيرة صورة من المنشور المنتشر، إلى جانب تعليقات لبعض المعلقين الذين يجهلون بالأساس حجم نجومية اللاعب الأرجنتيني، معلقة: "كريستيانو من أكونت فيك".

لالاررر_2790_045846.jpg
تعليقات الجمهور

فيما علق حساب يدعى “هاني ميلاد” مشيرًا إلى ميسي في تعليقه قائلًا: "ده أكونت السواق الحرامي".

ظظظظ_2790_045931.jpg
تعليقات الجمهور