علقت هند، ابنة الفنان الراحل سعيد صالح، علي انتقاد الفنانة آمال رمزي لأبيها، واتهمتها بأنها تقيس الأمور بالماديات: مين عنده كام واشترى ايه؟ ومين ابن مين؟

وقارنت آمال رمزي خلال لقائها مع الإعلامية نهال طايل في برنامج تفاصيل، على قناة صدى البلد، بين الفنانين الكبيرين عادل إمام وسعيد صالح، وقالت إن “عادل إمام راقي في التعامل، ورغم أن سعيد صالح كوميديان كبير لكن ألفاظه كانت غير لائقة وكان بيضيع فلوسه، إنما عادل إمام كان ذكي واشترى أرض بنى عليها 4 فيلل لأخته وعائلته في المنصورية، كان عارف إزاي يبني نفسه، لكن الله يرحمه سعيد صالح ضيع فلوسه”.

3-10-2022_10_03_08_G_1789_062439.jpg
هند وسعيد صالح

تعليق هند سعيد صالح

وشاركت هند سعيد صالح منشورا عبر حسابها الشخصي على موقع التواصل الإجتماعي فيسبوك معلقة: "يا مدام آمال، كلام حضرتك عن بابا وبطريقة غير مباشرة عن أمي، ما بيعكسش غير طريقة تفكير ونمط أخلاقي بيقيس بالممتلكات، مين عنده كام ومين اشترى إيه ومين ابن مين.. ما شاء الله ولا قوة إلا بالله، ربنا يبارك له".

IMG_٢٠٢٤٠٧١٣_٠٦٣١١١_1789_062921.jpg

واستكملت هند سعيد صالح: " أنا بحمد ربنا إني بنت راجل محبوب من جمهور أغلبه ما شافوش وجها لوجه، ولا حتى عاصروه، وكل اللي بينهم وبينه ضحكة رسمها على وشوشهم في يوم من الأيام، الجمهور ده ردها لبابا في ردهم على حضرتك. بشكرهم من كل قلبي، وإن شاء الله يكون ربنا سخرهم للدعاء لبابا، هما ردوا غيبة متوفى قبل ما يردوا غيبة فنان بيحبوه. بس أنا لسة ماردتش".

Screenshot_٢٠٢٤٠٧١١__1789_062512.jpg

ليست الوحيدة

ولم تكن فقط ابنة سعيد صالح التي استاءت من حديث آمال رمزي، حيث اعترضت الفنانة ميمي جمال على وصفها لها بأنها “مليونيرة”.

وعلقت ميمي جمال لـ"تليجراف مصر"، قائلة: "هو أنا لو مليونيرة هانزل اشتغل في عز الحر وأتعب؟ ما أنا أروح اشتري بيت في اليونان واستجم بقي، مين قال إن أنا مليونيرة؟ وهو تعرف عني إيه عشان تقول كده!".