كشف المطرب سعد الصغير تفاصيل جديدة بشأن أزمته مع الراقصة شمس التي زعمت زواجها منه بعقد زواج رسمي، والتعدى عليها.
تطورات أزمة سعد الصغير مع الراقصة شمس
وقال سعد الصغير لـ"تليجراف مصر": "بكرة هعمل توكيل رسمي للمحامي التركي وهيرفع قضية عليها، لكنه مش هيرفعها في مصر لأنها هربانة في تركيا".

وتابع: "أنا كنت رافع عليها قضية من سنة ونص وهي متعظتش وكملت ابتزاز ليا، غير الباسبور المزور اللي عملته لبنتها نور اللي هي أصلًا خطفاها".
_2874_202318.jpeg)
وأضاف الصغير: "أنا زمان كنت جايبلها فيلا بـ 450 ألف جنيه، دلوقتي تساوي 7 مليون والفيلا دي باسمي وهروح أخدها وأتنازلها بيها لدار أيتام أو دار مسنين لأنها خلاص مش لازماني، وحرام بني آدمة زيها تاخدها".
_2874_202403.jpeg)
سعد الصغير: زوّرت باسبورات مش هتزور قسيمة؟
ومساء اليوم، حرص المطرب سعد الصغير على الرد على الاتهامات التي وجهت له من الراقصة شمس بنشرها عقد زواجها منه، واستمرارها في اتخاذها الإجراءات القانونية.
حقيقة زواج سعد الصغير من الراقصة شمس
وقال سعد الصغير لـ"تليجراف مصر": "أنا اتفاجئت إنها نشرت قسيمة لأن مكنش في ولا كان في شهود كمان، دي واحدة بتزور باسبورات وحاجات كتير مش هتعرف تزور قسيمة؟".

وأضاف: "أنا الحمدلله ربنا كرمني ولاقيت محامي تركي وخلاص هو هيمسك القضية دي وهنتخذ ضدها الإجراءات القانونية وهتترحل على مصر".
ماذا حدث؟
تقدمت الراقصة شمس مساء أمس، ببلاغ رسمي إلى الأجهزة الأمنية وجهات التحقيق ضد طليقها المطرب الشعبي سعد الصغير ورجل الأعمال صبري نخنوخ، متهمة إياهما بالتورط في واقعة اختطافها والاعتداء عليها، وفق ما ورد في أقوالها.
وقالت شمس في تصريح سابق لـ"تليجراف مصر": "أنا كنت متجوزة الفنان سعد الصغير وحامل منه في بنت ولما كنت في الشهر السابع حصل بيننا خلاف، وسعد استعان بصبري نخنوخ ورجالته وخطفوني، ونخنوخ كلمني من تليفون راجل من رجالته وقال: أنا بحبك فاسمعني كلامي ومتعمليش شوشرة علشان ماولدكيش بلدي".
اقرأ أيضًا:
بعد نشرها عقد الزواج.. سعد الصغير: "زوّرت باسبورات مش هتزور قسيمة؟"
أزمة سعد الصغير وشمس تتصاعد.. الراقصة تنشر عقد زواج شرعي وتتوعد باللجوء للقضاء