ظهرت الفنانة داليا مصطفى في مشهد تمثيلي لا يدخل ضمن مسلسلات السباق الرمضاني 2026، أثار جدلًا وغضبًا في أوساط الصحفيين، بعدما سبّت صحفيًا وقالت له "انت حيوان".

مشهد تمثيلي لداليا مصطفى يغضب منها الصحفيين

المشهد الذي ظهرت فيه داليا مصطفى تقدم فيه شخصيتها الحقيقية كفنانة، جاء مع مؤدي يدعى حمدي عاشور، والذي أدى دور صحفي يلهث خلف الترند، على حد وصفه، ويسعى لأخذ تصريح من الفنانة.

f500a702-a096-4ab3-9_2792_020724.jpg
داليا مصطفى مع مؤدي دور صحفي

يدور المشهد حول دفن داليا مصطفى لوالدتها، لتتفاجأ بصحفي يجري وراءها للحصول على تصريح، ويدور حوار استطاع استفزاز عدد كبير من الصحفيين مطالبين بالتدخل العاجل من النقابة.

a3fa10a9-75d6-46d7-a_2792_020243.jpg
غضب الصحفيين من داليا مصطفى
5dfb754b-ed48-418c-9_2792_020247.jpg
غضب الصحفيين من داليا مصطفى

نص الحوار:

الشاب مؤدي دور الصحفي يرفع هاتفه ويصوّر داليا مصطفى وهي تبكي: "البقاء لله يا أستاذة.. ممكن دقيقة من وقت حضرتك.. سؤال واحد بس: هو صحيح طلاقك كان السبب في وفاة والدتك؟".

لترد عليه بقولها: "انت بتقول إيه؟".. وهنا يواصل: "والله مش أنا اللي بقول الناس اللي بتقول"، فسألته: "والناس بتقول كدة ليه؟، مش عشان الكدب والإشاعات اللي انت وأمثالك بتطلعوها".

35c7ce0c-c09d-4b79-8_2792_020251.jpg
غضب الصحفيين من داليا مصطفى

المؤدي: "يا أستاذة أنا صحفي ودا شغلي ولو كلامي غلط كدبيني، الكاميرا معاكي"، فترد عليه: "هي الصحافة ناسِتك إن انت بني آدم؟ بتقيس وجع الناس بعدد الفيوز". فيقول لها: "والله أعتقد إن حضرتك شخصية عامة وحياتك دي ملك للناس ومشاعرك جزء من القصة اللي الناس بتابعها".

07452748-e628-409e-a_2792_020258.jpg
غضب الصحفيين من داليا مصطفى

وعاودت داليا مصطفى حديثها مع الشاب: "هو الفنان دا مش إنسان مش من حقه يبقى ليه مساحته وهو بيتوجع، يتقهر، يعيط زي بقيت البشر.. يا ابني أنا لسة دافنة أعز الناس على قلبي.. جوايا وجع ماحدش هيقدر يحس بيه غيري.. وانت جاي بمنتهى البساطة تسرقه وتتاجر بيه.. انت بتعمل كدا ليه وعشان إيه؟".

ليرد الشاب: "عشان إجابتك دي هتعيشني شهور.. لو مارجعتش بلقطة أو تصريح أخسر أكل عيشي.. انتِ واقفة تحاسبيني على إيه؟.. على 4 سنين بهدلة في إعلام؟ ولا على الـ 3000 اللي المفروض أعيش بيهم؟.. أظن إن الإنسانية اللي بجد إنك تجاوبي على سؤالي".

63a62e60-500b-48ed-8_2792_020316.jpg
غضب الصحفيين من داليا مصطفى

واستكملت داليا مصطفى الحوار: "إنك تبيع وجع الناس وتتاجر بكسرتهم دا بتسميه شغل؟".. ليجاوب عليها المؤدي دور الصحفي: "آه شغل.. كلامك ودموعك بالنسبة لي بتساوي فلوس.. استأذنك تجاوبي على سؤالي".

9862a3a3-7594-48ff-8_2792_020320.jpg
غضب الصحفيين من داليا مصطفى

واختتمت داليا مصطفى: "انت حيوان.. آدي اللقطة اللي انت محتاجها.. قبضك.. شاهد الفنانة داليا مصطفى بعد عزاء والدتها تسب أحد الصحفيين.. حلو كدا؟! ولا تحب تنخليها سب وضرب؟".

87d821b1-67a7-41ed-8_2792_020326.jpg
غضب الصحفيين من داليا مصطفى

المشهد الذي ربما يكون جزء من محتوى جديد تقدمه الفنانة داليا مصطفى مع الممثل الشاب على السوشيال ميديا، تصدر ترند “فيسبوك” بعد ساعات من عرضه، وانهالت التعليقات الغاضبة من الحوار الذي لا يمت بصلة للواقع، وطالب الكثيرون نقابة الصحفيين بالتدخل لوقف مثل هذه المشاهد التي تتضمن إهانة لصاحبة الجلالة.

اقرأ أيضًا:

داليا مصطفى لـ"تليجراف مصر": لا أغفر الغلطة الأولى.. وعاوزة راجل أقوى مني