تواصل “تليجراف مصر” نشر أقوال “محروسة.ج” المعروفة إعلاميًا بـ"أم سجدة" المتهمة بغسيل الأموال ونشر فيديوهات خادشة للحياء ومسيئة للقيم الأسرية، وفيما يلي تص أقوالها:

س: الفيديوهات المنشورة تعود لك؟

ج: فعلًا الفيديوهات دي بتاعتي وأنا اللي بعملها لكن مفيهاش أي حاجة وحشة ولا بطلع عريانة.

س: ما هو سبب نشر وترويج تلك المقاطع؟

ج: عشان بتبقى إعلانات للناس، والفيديوهات الثانية بتبقى بغرض الهزار والترفيه.

WhatsApp Image 2025-_1687_083654.jpg

WhatsApp Image 2025-_1687_084602.jpg
س ما هي طبيعة المصوغات الذهبية السابق عرضها عليك؟

ج: ده کله ذهب صيني.

س : ما هي طبيعة المال الذي تحصلت عليه من تلك الأعمال؟

ج: لأ أنا مش باخد فلوس من المحتوى بتاعتي.

س: ما قولك فيما ثبت من وجود تحويلات مالية على حسابك الإلكتروني؟

ج: دي بتبقى فلوس بسيطة المتابعين بيبعتوها.

س: هل تمارسين أغراض التسويق دون مقابل مالي أو مادي؟

ج ساعات ناس بتديني مقابل هدايا.

س: ما هي مصادر دخلك تحديدًًا؟

ج: أنا معنديش مصدر دخل غير مصاريف طليقي لي ولعيالي.

س: أنت متهمة بالاعتداء على المبادئ والقيم الأسرية في المجتمع المصري؟

ج: فيه ناس بتعمل فيديوهات أحسن مني ومحدش بيحصل له حاجة وأنا عمري ما قلت ألفاظ في فيديوهاتي.

س: أنت متهمة بتعمد مضايقة الغير بالإساءة في فيديوهاتك؟

ج: فيديوهاتي عادية مش بضايق حد بيها.

س: ما قولك فيما ثبت بتوكيل بيع السيارة السابق عرضه عليك والمتحصل عليه من فحص هاتفك الجوال؟

ج: هي العربية دي بس اللي معايا، ودي مش ممتلكات، دي مش شقة.

س: هل لديك سوابق جنائية؟

ج: عندي إدخال ممنوعات في قسم السيدة زينب وواخدة فيها براءة.